ബെംഗളൂരു: വിവാദ പരാമര്ശത്തില് ബെംഗളൂരു മണ്ഡലത്തിലെ ബിജെപി സ്ഥാനാര്ഥിയും കേന്ദ്ര മന്ത്രിയുമായ ശോഭ കരന്തലജെയ്ക്കെതിരെ നടപടിയെടുക്കാന് തെരഞ്ഞെടുപ്പ് കമ്മീഷന് നിര്ദേശം.
കര്ണാടക ചീഫ് ഇലക്ട്രല് ഓഫീസര്ക്കാണ് തെരഞ്ഞെടുപ്പ് കമ്മീഷന് നിര്ദേശം നല്കിയിരിക്കുന്നത്.
പെരുമാറ്റച്ചട്ട പ്രകാരം നടപടിയെടുത്ത് 48 മണിക്കൂറിനകം റിപ്പോര്ട്ട് നല്കാനും നിര്ദേശമുണ്ട്.
തമിഴ്നാട്ടില് നിന്ന് ഭീകര പരിശീലനം നേടിയ ആളുകള് ബെംഗളൂരുവിൽ എത്തിച്ച് സ്ഫോടനം നടത്തുന്നുവെന്ന പരാമര്ശത്തില് ഡിഎംകെ തെരഞ്ഞെടുപ്പ് കമ്മീഷന് പരാതി നല്കിയിരുന്നു.
പരമാര്ശത്തില് ശോഭയ്ക്കെതിരെ തമിഴ്നാട്ടില് കേസെടുത്തിരുന്നു.
ഭാഷയുടെ പേരില് വിവിധ ജനവിഭാഗങ്ങള്ക്കിടയില് ശത്രുത വളര്ത്തുന്ന പരാമര്ശം എന്ന വകുപ്പില് മധുര സിറ്റി പോലീസാണ് കേന്ദ്ര മന്ത്രിയ്ക്ക് എതിരെ കേസെടുത്തത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
